Dharm – Dharm Shahi 

~”Desh Mera rangeela” yah line to aap sabhi ne suni hi hogi. kyunki hamare desh mein Hindu, Muslim, Sikh, Christian Etc. bahut Sare dharm (majhab) Ke log rahte hain . Aaj 21st century me hamare desh me Democracy hai . Agar abhi koi neta dharm ko lekar rajya karen to vo bilkul galat hoga. 17th Century mein mughalon ne Bharat par rajya Kiya jiski shuruvaat 1526 mein Babar ne ki. Mughal ne Musalman dharm ko badhawa diya Aur Non-Muslim se ‘jizya tax‘ liya. Jo ki Hindu, Sikh, Christian ko yah Tax dena hota tha. Jo ki bahut galat tha. yaha tak ki mughalon ne kisano par aur Pani use  karne par bhi Tax lagaya tha. Magar mughalon ne British ki Tarah desh ko Loota Nahin, balke paisa laga kar Taj Mahal, Agra ka kila, Delhi ka lal kila, Qutub Minar, Maqbara banwaya. Jiski vajah se aaj Taj Mahal se 20 Crore, Qutub Minar se 10 crore aur lal kila aur Maqbara se 6-6 crore India Ko mil raha hai. Is se Desh ki Economy  kafi madad hoti hai.

 

Karega Ek Dharm Unnati to Bakiyo ka kya Hoga.

Jo mere sath rah rahe Hai un Sathiyon ka kya Hoga.

Door Nahin wo Waqt Jab Hoga Aisa………

Jal Raha hai Diya, Magar Batiyon ka kya Hoga

 

Agar India main kisi ek Dharm ko badhawa Diya jaayega To India Kabhi taraki nahin kar payega. Aaj hamare Desh main BJP ki Sarkar Hai Jo kahin na kahin Hindu dharm ko badhawa  de rahi hai. Aajkal to Naukari bhi dharm ke Aadhar par Di ja rahi hai. Hal hi main NRC lagu karwane ki charcha thi. Jiska Target Musalmano ko kahin na kahin banaya ja raha hai.

 

Humse hamari Jaan loge kya?

 Humse hamari pahchan loge kya?

 Khel Kar NRC… NRC… 

 Tum hum se Hindustan loge kya?

 

Hamare Yaha to Shadiya bhi Dharm ke adhar par hi hoti hai . Hindu ki Shadi Hindu ke sath, aur Muslim ki Shadi Muslim ke sath. Agar koi Muslim aur Hindu Shadi Karna Chahe to wo Dharm Ka masla ho jata hai . Ya to ladki ko us Ka Dharm bhulna hoga aur naye Dharm ko apnana hoga ya ladke ko. Magar Badshah Akbar ne aisa Kuch nahi Kiya. Ji ha! Badshah Akbar ne Maharani Jodha se shadi ki. Akbar ek Muslim Dharm ke the . Aur Jodha ek Hindu dharm ki . Badshah Akbar ne Apne he mahel me jodha ke liye ek Mandir banwaya. Aur jodha apna Hindu Dharm follow karti gayi aur Akbar apna Muslim Dharm. Badshah Akbar ne sare dharm ko Mila Kar ek Naya dharm banaya jis Ka name Deen-E-Illhahe tha. Is Dharm ko jyada logo ne follow nahi Kiya. Tab ke log dharm ko le Kar bohott jyda Sensitive the. IAS 1st topper Teena Dabi aur AIS 2nd topper  Athar Amir khan me Mohabbat hogayi aur Wo Shadi Karna chah rahe the magar Kuch  Pandit ne Kaha ye Love-E-Jihad hai. Magar Ek Dusre ke Sath dharm ki Mushkilo Ka samna Karne ke bad dono ne  Shadi Kar li . Q ki dono ko pata hai ki Dharm se badi ‘Insaniyat’ hoti hai. Uppar wale ne hame sirf insan banaya Magar hum ne ye Dharm banaye.

 

~ Salma Khan

Leave a Reply

Your email address will not be published.